اسلام آباد (نوائے نصرت)
پاکستانی وزارتِ خارجہ کے ترجمان نے اعلان کیا ہے کہ ایران اور امریکہ کے درمیان طے پانے والی مفاہمتی یادداشت سے متعلق فنی اور تکنیکی مذاکرات آئندہ ہفتے دوبارہ شروع ہوں گے۔ یہ مذاکرات پاکستان اور قطر کی ثالثی میں ماہرین کی سطح پر منعقد کیے جائیں گے۔
ترجمان کے مطابق دونوں ممالک کے ماہرین مختلف تکنیکی اور عملی امور پر تبادلۂ خیال کریں گے تاکہ مفاہمتی عمل کو آگے بڑھایا جا سکے۔ پاکستان اور قطر نے مذاکراتی عمل کو مستحکم بنانے اور فریقین کے درمیان اعتماد سازی کے لیے اپنا تعمیری کردار جاری رکھنے کے عزم کا اظہار بھی کیا ہے۔
مبصرین کے مطابق یہ پیش رفت خطے میں سفارتی استحکام اور ایران امریکہ تعلقات میں بہتری کی جانب ایک اہم قدم تصور کی جا رہی ہے۔